પટેલ ફળિયા વર્ગ રોઝમ પ્રા શાળા: શાળા પરિચય

નમસ્તે

શિક્ષક મિત્રો, વિધાર્થીઓ અને વાલીઓ, અમારી શાળાનું નામ ‘પટેલ ફળિયા વર્ગ રોઝમ પ્રાથમિક શાળા’ છે જે દાહોદ જીલ્લાના દાહોદ તાલુકાના રોઝમ (પીન કોડ ૩૮૯૧૬૦ ) ગામે આવેલી છે. શાળાની સ્થાપના તારીખ ૦૭/૦૭/૨૦૦૯ છે. શાળાનો ડાયસ કોડ ૨૪૧૮૦૧૦૩૩૦૩ છે. શરૂઆતમાં શાળાનું મકાન ન હોવાથી શાળા ગામના સરપંચના મકાનમાં ચાલતી હતી. ત્યારબાદ બીજા વર્ષે જગ્યા મળતાં શાળાનું નવીન મકાન બાંધવામાં આવ્યું.

શાળામાં હાલ ૧ થી ૫ ધોરણ છે. શાળામાં ૪ શિક્ષક ભાઈઓ અને ૧ શિક્ષિકા બહેન એમ કરીને ૫ શિક્ષકો હાલ કામ કરે છે. શાળા પરિવાર અમારી શાળાના વિકાસ અને ઉત્તરોત્તર પ્રગતિ માટે સતત પ્રયત્નશીલ રહે છે. શાળામાં વર્ષની અંદર આવતા તમામ ઉત્સવો ઉજવવામાં આવે છે તેમાં બાળકો તથા શિક્ષકો ઉત્સાહભેર ભાગ લે છે.